Nadi Amsa - Traditional & Scientific Calculation

 గ్రహణాం అంశకం బలం  

కుండలి రీత్యా గ్రహం యొక్క బలం తెలియాలి అంటే గ్రహం ఉన్న అంశ విలువ, శుభ/అశుభ తత్వం సూచించే అంశ అధిపతి, గుణం తెలుసుకోవాలి. ఈ క్రింద ఇచ్చిన పట్టిక ద్వారా పరాశర మహర్షి సూచించిన షోడశ వర్గ వివరాలు తెలుస్తాయి. వీటి ఒక్కో విలువలను వరుసగా ఒక రాశికి లేదా 30 డిగ్రీలకు తయారుచేస్తే అవి ఆ రాశిలోని 150 నాడీ అంశాలను సూచిస్తుంది. ఇది ఋషులు చెప్పిన సమ విలువ అంశ చాపానికి భిన్నంగా ఉంటుంది. దీనినే సైంటిఫిక్ ధీయరీ అని CS పటేల్ వంటి అనేక మంది జ్యోతిష్కులు తెలియచేస్తున్నారు. ఉదాహరణకు పారంపర్య వసుధ నాడీ అంశ 12 ని. అయితే ఈ భిన్నమైన పద్దతిలో అది 30 ని. సూచిస్తుంది.  తరువాత నాడీ అంశ కేవలం 10 ని. లే సూచిస్తుంది. కానీ శాస్త్ర విలువ 12 ని. .. ఈ షోడశ వర్గ అంశలు 150 నాడీ అంశలను సూచించటమే గమనించతగ్గ అంశము.  

ఈ విలువలన్నింటిని సమ, అసమ అన్న భేధముతో అన్నీ నాడీ అంశలను వీడియో రూపములో అందిస్తున్నాను. ఇంత వివరముగా ఆడియోలో చెప్పడం కుదరదు కాబట్టి పూర్తిగా ధ్వని రహిత దృశ్య రూపములో పూర్తి విలువలను చూడండి. నాడీ అంశలలో కూడా జాతక విశ్లేషణ చేసేవారికీ ఈ వివరాలు పూర్తిగా దోహదపడతాయి. అందుకోసమే ఒక్కో నాడీ అంశ అన్నీ రాశులలో ఏ యే డిగ్రీల నుండి మొదలై అంతమవుతుందో వివరముగా ఇవ్వడమైనది. ఈ నాడీ అంశలు ఒక్కొక్కటి ఒక్కో నవాంశ రాశికి సమానమని పరిశోధనలో బయటపడినట్లు తెలుస్తోంది. ఆ వివరాలు కూడా Navamsa & Nadi Astrology అనే పుస్తకం ద్వారా ఇదివరకే CS Patel తెలియచేశారు. వాటిపై విస్తృత పరిశోధనలు కూడా జరుగుతున్నాయి. ఇవి భవిష్యత్తులో మంచి ఉపయోగకరమైన నాడీ జ్యోతిష శాస్త్ర అభివృద్దికి సోపానం. 

ఈ వీడియోలన్నీ నా youtube చానెల్ నందు వీక్షించగలరు. 

ఒక్కో వీడియో 3 డిగ్రీల చాపములో ఉన్న 15 నాడీ అంశలను సూచిస్తుంది. ఇది అక్షయ లగ్న పద్దతిలో ఒక్కో సం. రానికి సమానం. ఈ విధంగా కూడా విశ్లేషణ చేసుకోవచ్చు. 

పార్ట్ I (1 to 15) :: పార్ట్ II (16 to 30) :: పార్ట్ III (31 to 45)

పార్ట్ IV (46 to 60) :: పార్ట్ V :: (61 to 75) :: పార్ట్ VI :: (76 to 90)

పార్ట్ VII (91 to 105) :: పార్ట్ VIII (106 to 120)

పార్ట్ IX (121 to 135) :: పార్ట్ X (136 to 150)  

సందేహాలు ఉన్నవారు నా వాట్సాప్ కి మెసేజ్ చేయగలరు. ఈ సౌకర్యం నా బ్లాగ్ aobastrology ఫాలో అవుతున్నవారికి మాత్రమే...