Kota chakra అవసరం - నిర్మాణం.

KOTA CHAKRA  - కోట చక్రం

గోచారములో గ్రహములు 28 నక్షత్రాలపై ఎలా ప్రయాణిస్తుందో వివరించి చెప్పేది ఈ చక్రము యొక్క ఆంతర్యం. 

ఒక జీవి జాతకములో ఉన్న గ్రహములలో ఆ జీవికి మేలు చేసేవి, కీడు చేసేవి ఉంటాయి. ఆ గ్రహములకు జాతకముతో సంబందం లేకుండా వాటి కేరక్టర్ ద్వారా శుభ/అశుభ గ్రహములుగా మహర్షులు చెప్పటం జరిగింది. ఉన్న ద్వాదశ రాశులను బట్టి ఈ గ్రహములు యోగా కారకములుగా లేదా శుభ/ అశుభ గ్రహములుగా కూడా విడి విడిగా చెప్పటం జరిగింది. కాల చక్రమును రెండు భాగములుగా చేస్తే మొదటిది క్షేత్రజ్ణుడు ఉన్న భాగానికి రెండవది శత్రు భాగమవుతుంది. అంటే లగ్నము 'ధర్మ' సంజ్ణ అయితే సప్తమము అన్నది విధిగా పురుషార్ధములలో మూడవది అయిన 'కామ'  సంజ్ణ అవుతుంది. అంటే జీవి తన గత జన్మ కోరికల ఆకారముతో ఈ జన్మను సాధించడమే అక్కడి ఆంతర్యం.  

గ్రహ చారము కొద్ది చెడు చేసే గ్రహములు కోట అంతర్భాగాన్ని చేరి ధ్వంసం చేస్తే ఆ జీవి మనుగడ అంతమవుతుంది అన్న దానికి సూచనగా ఈ కోట చక్రాన్ని విశ్లేషణ చేస్తారు. ఈ కోటకు కోట స్వామి, కోట పాలకుడు అన్న పేరుతో రెండు భిన్న గ్రహములు (తొమ్మిదింట్లో) పాలకులుగా ఉంటారు. కోట స్వామి నిర్ణయం చంద్రుడు ఉన్న నక్షత్ర రాశి అధిపతి తీసుకుంటాడు. కోట పాలకుడు చంద్రుడు ఉన్న నక్షత్ర పాద అధిపతి నిర్ధేశిస్తాడు. కోట స్వామి ఎవరూ అన్నది తెలుసుకోవడం తేలిక. కోట పాలకుడికి మాత్రం క్రింది పట్టిక చూసి నిర్ణయించాలి. 

                                     పాదం 1                   పాదం 2             పాదం 3                 పాదం 4 

01. అశ్విని :                    శుక్ర                         శుక్ర                      శుక్ర                      చంద్ర

02. భరణి :                    చంద్ర                       చంద్ర                     చంద్ర                     చంద్ర 

03. కృత్తిక :                     రవి                          రవి                      రవి                       రవి 

04. రోహిణి :                  రవి                         చంద్ర                    చంద్ర                     చంద్ర

05. మృగశిర :                చంద్ర                       చంద్ర                     కుజ                      కుజ

06: ఆర్ద్ర :                       కుజ                         కుజ                     కుజ                       శుక్ర

07. పునర్వసు :               కుజ                          కుజ                    రాహు                    రాహు

08. పుష్యమి :                 రాహు                      రాహు                  రాహు                   బుధుడు

09. ఆశ్లేష :                   బుధుడు                    బుధుడు                బుధుడు                  బుధుడు

10. మఖ :                       శని                         శని                      శని                      శని

11. పుబ్బ :                        శని                      బుధుడు                 బుధుడు                  బుధుడు   

12. ఉత్తర :                     బుధుడు                   బుధుడు                  శని                        శని

13. హస్త :                        శని                       రాహు                 బుధుడు                  బుధుడు

14. చిత్త :                         శని                        శని                     చంద్ర                    చంద్ర

15. స్వాతి :                      చంద్ర                     చంద్ర                    చంద్ర                    గురువు

16. విశాఖ :                   గురువు                   గురువు                గురువు                   గురువు         

17. అనురాధ :                 గురువు                  గురువు                 గురువు                   గురువు

18. జ్యేష్ట :                      గురువు                   చంద్ర                    చంద్ర                      చంద్ర  

19. మూల :                    చంద్ర                    చంద్ర                     శని                        శని             

20. పూర్వాషాడ :             శని                     గురువు                   శని                      బుధుడు

21. ఉత్తరాషాడ :               శని                       శని                      శుక్ర                        శుక్ర

22. శ్రవణ :                      కుజ                      కుజ                      కుజ                        కుజ  

23. ధనిష్ట :                      కుజ                       కుజ                      కుజ                        కుజ

24. శతభిష :                   కుజ                     రాహు                    రాహు                     రాహు 

25. పూర్వాభాద్ర :            రాహు                    రాహు                    గురువు                   గురువు

26. ఉత్తరాభాద్ర :            గురువు                   గురువు                     శుక్ర                       శుక్ర

27. రేవతి :                   గురువు                   గురువు                     శుక్ర                       శుక్ర

నిర్మాణం 

1. ఎవరి కోట చక్రం నిర్మించాలో వారి జన్మ తార విధిగా మొదటి సంఖ్య నుండి మొదలవ్వాలి. 

2. వరుస నక్షత్రాలు పూర్తిగా తెలిసి ఉండి, వరుస సంఖ్యలలో అంటే 1, 2, 3 ... అలా వేసుకుంటూ చక్ర నిర్మాణం చేయాలి. 

3. అభిజిత్ నక్షత్రాన్ని ఉత్తరాషాడ తరువాత తీసుకోవాలి. 

4. మీ లగ్నానికి యోగా కారక గ్రహం ఏ నక్షత్రములో ఉందో గ్రహించండి. 

5. యోగా కారక గ్రహాలు తెలుసుకోవాలి అంటే నా పోస్టు " హోర నిర్ణయ సంగ్రహం'' చూడండి.  

6. కోట స్వామి, కోట పాలకుడు ఒక్కరే అయితే ఆ అనుకూలత జాతకుడికి లాభిస్తుంది. కారణం మొత్తం చక్రములో గమనించే గ్రహం ఆ ఒక్కటే అవుతుంది. 

7. దుర్గం లో ఉన్న నక్షత్రాలలో శని, రాహు, కేతు గ్రహ చార రీత్యా ప్రయాణిస్తున్నప్పుడూ జాతకుడికి ఆరోగ్య స్థితులలో మార్పులు వస్తాయి. జీవితం అనే కోటకు స్తంభం అనే మూలాధారం, అశుభ గ్రహాల తాకిడికి బీటలు పడతాయి అన్నది అంతరార్ధం. ఈ తీవ్రత ఎక్కువైతే అంటే శుభ గ్రహాల ఉనికి బాహ్య ప్రాకారానికి పరిమితి అయితే జాతకుడికి తీవ్ర నష్టం వాటిల్లే ప్రమాదాన్ని సూచనగా ఈ చక్రం అందచేస్తుంది. 

8. ఈ దుర్గం లో ఉన్న నక్షత్రాలు జాతకుడి జన్మ తార మొదలుకొని 4, 11, 18, 25వ నక్షత్రాలు ఉంటాయి. అందులో 18వది గండాంత నక్షత్రం. సహజముగా ఉండే గండాంత నక్షత్రాలు, జన్మ రీత్యా వచ్చే గండాంత నక్షత్రాలు అని మొత్తం 6+6=12 నక్షత్రాలు విశ్లేషణలో మనం తీసుకుంటాము. జాతకుడి లాభ, నష్టములు ఈ 12 నక్షత్రాలు, 22వ వైనాశిక నక్షత్రం, గ్రహాల రీత్యా ఉచ్చ, నీచ స్థితి లభించిన గ్రహ నక్షత్రములు నిర్ధేశిస్తాయి. 

9. మన నిత్య జీవితములో ట్రాఫిక్ నియంత్రణకు one-way అని ఎలా ఉంటుందో అలాగే గ్రహం కోట చక్రం లోని గ్రహ గోచార దిశకు వక్రించినపుడు వ్యతిరేకముగా ప్రయాణిస్తుంది. అంటే సహజ శుభ గ్రహాలు అయిన గురువు, శుక్రుడు దుర్గం లో ప్రవేశించేటపుడూ వక్రీస్తే అవి లోపలికి రావడానికి తిరస్కరించినట్లు... అందువల్ల జాతకుడికి వచ్చే శుభాలు రానట్లే లేదా ఇవ్వడములో కాల హరణం జరిగినట్లు. అదే పాప గ్రహాలు ఆ స్థితిలో వక్రీస్తే రాబోయే కష్టాలు తప్పినట్లు లేదా కష్టాలు రావడములో జాప్యం జరిగినట్లు. 

10. ఈశాన్యం నుండి మొదలయ్యే నక్షత్రాలు ఉత్తరం తో ముగుస్తుంది. ఇలా మొదలయ్యే నక్షత్రం కూడా మంచిదే అయితే లగ్న రాశికి సంబందించి జీవితం అనుకూలం గా ఉంటుంది.      

సందేహాలు ఉన్నవారు నా వాట్సాప్ కి మెసేజ్ చేయగలరు. ఈ సౌకర్యం నా బ్లాగ్ ఫాలో అవుతున్నవారికి మాత్రమే...